Expoesia!
Ekimen honen antolakuntzaren bidez poetei eta sortzaileei ate berri bat ireki, adierazpen poetikoaren duintasuna aldarrikatu eta adierazpen artistikoa, sorkuntza edota poesia berbera hiritarrei hurbildu nahi zaie.
Poesia arte guztietako sustraietan dago eta gaur egun ere badaude edozein sistematizazioari ihesi ibili diren hainbat sormen prozesu, honako bi zutabe nagusien barruan itsatsiak agertu zaizkigunak: Arte Ederretan eta Letra Ederretan. Honek guztiek zenbait egileren lanetan, argitalpen espezializatuetan edota edizio berezietan, ohiz kanpokoak, deserosoak edota konplexuak diren ereduak arakatzera bultzatzen dute.
Korronteen, jardueren eta egileen arteko topaketa hau bideratu eta jendaurrean jarri nahi dute antolatzaileek. Era berean, onartzekoak diren baino aberatsagoa den gure errealitate kulturalari eta artistikoari buruzko eztabaidak eta ikerketak bultzatuko dira.
Ondorioz, topaketa honen bidez, kasu batzuetan errekurtso estetikoen ugaritasuna eta aniztasuna nabarmenduko da eta, besteetan, barne kolektiboan dauden emozioak izendatzeko baliogarria izango da.
Euskal Herriko Poesia Esperimentalaren Biurtekoa, 2006an Barakaldon egin ziren Poesiaren Lehen Topaketen ondorioa da, eta 2008tik aurrera bi urteren behin ospatuko da.
Beraz, 2008ko azaroan burutuko den lehen biurteko honek Barakaldon izango du bere egoitza nahiz eta Sestaora, Leioara (EHUra) eta Bilbora ere zabalduko duen bere egitaraua. 2010erako ordea, Portugaletera, Muzkizera eta oraindik finkatu gabe dauden beste tokietara ere zabalduko da.
I. Topaketetan hartutako eskarmentuari esker, hainbat arlo jorratuko ditu aurtengo egitarauak: 5 erakusketa, 4 mahai-inguru, liburuen laginak, bideo-sorkuntza saioak, 12 performance, ekintzak, poesia emanaldiak eta oraindik finkatu ez diren beste ekitaldiak. Haien artean ere Arte Postala Argitalpen Esperimentalen erakusketa atondu da Bilbao Arte Fundazioan, azaroaren 4tik 21era bitartean. Bertan ere, azaraoren 14an, Poesia Jardunean izeneko ekimena abiaraziko dute Ramon Churruca, Massimiliano Gurmalori, Mari Ishiwata, Fundaxio Rodriguez eta Mary Zurbanoren partaidetzarekin.
Zer-non jakiteko ekimenaren web gunea arakatzea duzue onena.
Nontzeberri
Koldo Agarraberes
Koldo Agarraberes (Iruñea, 1967) artistak bere obra berrienak paratu ditu Iruñeako Reciclarte galerian. Prohibido echar comida a los animales izenburupean nafarrak olio-pinturak eta marrazkiak jarri ditu ikusgai eta kolorei dagokienez, zuribeltza nagusitzen da.
Agarraberesek ikuslearen begirada kritikoa bilatzen du bere lanen bidez. Artista egoera bidegabeetatik, esaterako, Afganistango edo Irakeko gudak, abiatzen da erraietako pintura gauzatzeko. Ikusleak bere baitan begiratzea nahi du, egoera horiei buruzko hausnarketa egin dezan.
Afaganistango 10 seme-alabadun aita batek bi saldu behar izan ditu gari poltsa batzuk erosteko. Irudi krudelak dira, benetakoak, errealitateatik ateratakoak. Egora horiek irudikatzeko, artista nafarrak kolorea kasik baztertu du. Zuribeltza nagusitzen da irudi gogor horiek islatzeko, nahiz eta Agarraberes koloreak maite dituen artista izan; mundua aldatu nahi du artearen bidez.
Luther Blisset
Nontzeberri web gunetik aterata
